Trupat ajrore të SHBA-së, Zvicrës e Hungarisë ngrenë helikopterët në Bondsteel

Lajme

Gazeta Express

20/05/2025 10:11

Trupat ajrore të Shteteve të Bashkuara, Zvicrës dhe Hungarisë, të caktuar në Komandën Rajonale Lindje të KFOR-it, u bashkuan për një fluturim me disa helikopterë në Camp Bondsteel, në Kosovë.

Trupat amerikane fluturonin me helikopterin UH-60 Black Hawk, hungarezët me helikopterin H-145M, ndërsa zviceranët me helikopterin AS-532 Cougar.

KFOR-i përsëriti se vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

KFOR-i punon në koordinim të ngushtë me Policinë e Kosovës dhe Misionin e Bashkimit Europian për Sundimin e Ligjit në Kosovë (EULEX) në rolet e tyre përkatëse si reagues të sigurisë./Express/