Koshi i OG Anunoby është pa dyshim momenti më emocional i mbrëmjes në NBA.
E nisim pikërisht nga aksioni i fundit për të treguar fitoren 104-103 të Toronto Raptors në përballjen e tretë ndaj Boston Celtics në gjysmëfinalet e Konferencë së Lindjes, me kanadezët që shkurtuan në 2-1 diferencën e serisë.
Një fund “triller” falë një veprimi të çmendur të britanikut me origjinë nigeriane, i cili realizoi një trepikësh nga një kënd i vështirë, në momentin kur sirena po ndizej për të shënuar përfundimin e takimit.
WHAT A PASS. WHAT A SHOT.
OG Anunoby's #TissotBuzzerBeater through the lens of our slo-mo #PhantomCam! #ThisIsYourTime#NBAPlayoffs #WeTheNorth pic.twitter.com/jhwCqNmzLe— NBA (@NBA) September 4, 2020
Ishte një ndeshje të cilën u duk se Celtics e bënë të tyren pas pushimit mes pjesëve, teksa krijuan një diferencë prej 10 pikësh. Ky takim dhe përplasjet e serisë ishin në kontroll të skuadrës së drejtuar nga Brad Stevens, por pikërisht në momentin më vendimtar ta takimit ndodhi përmbysja e Torontos, e udhëhequr nga i jashtëzakonshmi Kyle Lowry, autor i 31 pikëve, pa lënë mënjanë kontributin e vyer të Fred Van Vleet me 25 punti. Në radhët e Celtics më i miri rezultoi Kemba Walker me 29 pikë.
OG. LUKA. BOOKER.
— NBA (@NBA) September 4, 2020
Relive the 3 game-winning buzzer-beaters in Orlando thus far!
Who will come up big in the clutch next!? #TissotBuzzerBeater #ThisIsYourTime pic.twitter.com/ylH1hpOPfm
Los Angeles Clippers dominuan sfidën e parë të serisë së gjymëfinaleve të Perëndimit ndaj Denver Nuggets, duke triumfuar me rezultat të thellë 120-97. U duk qartë që skuadra nga Colorado ende nuk i ka rikuperuar energjitë e shpenzuara në serinë e çerekfinaleve ndaj Utah Jazz.
Një përballje pa shumë histori, e cila praktikisht u mbyll në fund të periodës së dytë, teksa u shënua një rezultat i pjesshëm 38-20 për skuadrën e drejtuar nga Doc Rivers. Denveri nuk kishte forcë fizike dhe mendore për të përmbysur diferencën e tashmë duhet të futet në parket me mentalitetin e duhur në sfidën e dytë.
Shënuesi më i mirë rezultoi Kawhi Leonard me 29 pikë, i ndihmuar në mënyrën e duhur nga Paul George (19 pikë) dhe Marcus Morris Sr. (18 pikë). Në radhët e Nuggets 15 pikë të shënuara nga Nikola Jokic, ndërsa Jamal Murray u ndal më së miri nga mbrojtja e Clippers, duke regjistruar vetëm 12 pikë. /SS/