Trajneri i Barçës e spiunon Real Madridin në Bernabeu - Gazeta Express

Futboll

Gazeta Express

27/02/2020 15:33

Trajneri i Barçës e spiunon Real Madridin në Bernabeu

Futboll

Gazeta Express

27/02/2020 15:33

Manchester City dha leksioni sesi duhet të mposhtet kjo skuadër e Real Madridit të mërkurën mbrëma, dhe trajneri i Barcelonës Quique Setien ishte i pranishëm në Santiago Bernabeu për ta parë me sytë e vet.

Setien ishte i pranishëm në tribuna në Bernabeu për ta parë nga afër Real Madridin në duel me Manchester City në Ligën e Kampionëve, në prag të El Clasicos, transmeton Gazeta Express.

Ai shoqërohej në tribunë nga ndihmësi i vet, Eder Sarabia, para takimit të së dielës, i cili mund të jetë vendimtar në luftë për titull në La Liga.

Ai mund ta ketë vërejtur suksesin e skuadrës së Pep Guardiolës gjatë sulmeve ndaj mbrojtës së Real Madridit por edhe kërcënimin që mund ta përbëjë Vinicius Junior.

Barça futet në takimin e së dielës si lidere e ligës, me dy pikë më shumë se skuadra e Zinedine Zidane. /Gazeta Express/