Tërmkolli: Osmani ka vetëm ambicie të sëmura për pushtet

Lajme

Gazeta Express

11/03/2026 7:26

Ish-deputetja e LDK-së, Melihate Termkolli, ka thënë se kryeministri Albin Kurti dhe presidentja Vjosa Osmani, pushtetin e kanë Zot dhe para gjithçkaje.

Duke komentuar situatën aktuale politike në vend, ku puna e Kuvendit të Kosovës është pezulluar deri më 31 mars nga Gjykata Kushtetuese derisa të vendoset nëse dekreti i nënshkruar nga ana e presidentes Vjosa Osmani për shpërndarjen e Kuvendit ishte kushtetues ose jo, Termkolli ka thënë se Osmani nuk ka dhënë asnjë kontribut për Kosovën dhe se ajo ka vetëm ambicie të sëmurë për pushtet.

“Ne kemi të bëjmë me dy personalitete politike që njëri është mashtruesi më i madh në historinë politike të Kosovës, ndërsa tjetra është profiterja më e madhe në Kosovë, i pari është Albin Kurti dhe e dyta Vjosa Osmani. Janë pothuajse dy anë të së njëjtës medale. Osmani është vetëm një përfituese, e din shumica e popullatës. Po ta marrim me kokë të ftohtë dhe ta analizojmë kontributin në këtë vend, nuk e gjen asnjë. Nuk gjen asgjë të saj përveç ambicies së sëmurë për karrierë dhe pushtet”, ka thënë Tërmkolli në emisionin “Konfront” në KTV.

Tërmkolli ka deklaruar po ashtu se në këtë pikë, kryeministri Kurti dallon nga Osmani pasi sipas saj, Kurti megjithatë ka një ideologji me veprime të mira e të këqija.