Tensionohet situata, aktivistët e VV-së brohorasin “Shpejtim Bulliqi” gjatë fjalimit të Mustafës e Veliut

Lajme

Gazeta Express

27/11/2020 14:14

Në ditën e fundit të fushatës zgjedhore në Podujevë, është tensionuar situata, raporton Express.

Derisa po flisnin kreu i LDK-së, Isa Mustafa dhe nënkryetari Agim Veliu, aktivistë të Lëvizjes Vetëvendosje kanë përmendur emrin e Shpejtim Bulliqit, kandidatit të VV-së për kryetar të Podujevës.

Në një video të publikuar në media, shihet se qytetarët nuk po e respektojnë fare distancën sociale, pavarësisht se numri i rasteve me koronavirus është rritur shumë gjatë javëve të fundit.

Ndryshe, zgjedhjet në këtë komunë do të mbahen të dielën. Në garë për të parin e komunës janë Nexhmi Rudari i LDK-së, Shpejtim Bulliqi i VV-së dhe Naim Fetahu i PDK-së. /Gazeta Express