Pas ndeshjeve të fazës finale të Kupës së Kosovës në basketboll, Superliga e basketbollit do të rikthehet këtë fundjavë me ndeshje interesante.
Tri ndeshje do të luhen mes të shtunës dhe të dielës, në kuadër të xhiros së 23-të apo fazës së fundit të garave të rregullta, ku do të vendoset gjithçka.
Sfida e parë zhvillohet ndërmjet Rahovecit dhe Vëllaznimit.
Vreshtarët janë në vendin e fundit me dy fitore e 20 humbje, derisa kuqezinjtë janë në vendin e gjashtë me tetë fitore e 14 humbje.
Për të dy skuadrat kjo sfidë është shumë e vlefshme do të garojnë deri në fund për fitore.
Peja me trajnerin e ri izraelit, Rami Hadar, do të pret Ponte Prizrenin.
Verdhezinjtë janë në vendin e tretë me 15 fitore e shtatë humbje, ndërsa prizrenasit kanë shtatë fitore e 15 humbje.
Takimi i fundit i kësaj xhiro është ndërmjet dy skuadrave me traditë në basketbollin e Kosovës, Bashkimit dhe Trepçës.
Prizrenasit kanë dhjetë fitore e 12 humbje, kurse mitrovicasit 13 fitore e nëntë humbje, duke e bërë këtë përballje shumë interesante.
Sigal Prishtina – Golden Eagle Ylli zhvillohet në një termin tjetër. /Gazeta Express/