Studentë nga Harvard vizitojnë kryeministrinë, Rama: Të interesuar për transformimin e Shqipërisë

Shqiperi

Gazeta Express

21/05/2025 9:44

Kryeministri i Shqipërisë Edi Rama ka pritur në ambientet e Kryeministrisë një grup studentësh nga Harvard Kennedy School, një nga institucionet më prestigjioze në botë në fushën e politikave publike dhe qeverisjes.

Në një postim në rrjetet sociale, Kryeministri ndau një videokartolinë nga vizita, duke e shoqëruar me një mesazh për publikun shqiptar:

“MIRËMËNGJES dhe me këtë videokartolinë mikpritjeje në Kryeministri, të studentëve nga Harvard Kennedy School – një ndër institucionet më prestigjioze në botë të studimeve për politikat publike dhe qeverisjen – të cilët ishin shumë të interesuar të mësonin mbi rrugën e transformimit të madh të Shqipërisë, ju uroj një ditë të mbarë”, shkroi Kryeministri.

Studentët ishin të interesuar të njihnin më nga afër rrugën e reformave, zhvillimit ekonomik dhe demokratik të Shqipërisë, në kuadër të një vizite studimore që lidhet me temat globale të tranzicionit, qeverisjes dhe integrimit europian.