Sherr mes dy personave në Korçë, një i plagosur! Arrestohet tjetri

Shqiperi

Gazeta Express

29/07/2025 9:38

Një konflikt mes dy personave ka agravuar në dhunë fizike mes tyre një natë më parë në një nga bulevardet kryesore të qytetit të Korçës.

Sipas informacioneve ka mbetur i plagosur rëndë një person. 

Pasi e ka goditur me grushta në fytyrë, autori është larguar nga vendngjarja por është kapur më pas, duke u arrestuar nga blutë e Korçës.

I plagosuri ka dëmtime në fytyrë dhe mësohet se u dërgua drejt spitalit të Tiranës për ndihmë të specializuar.