Shaqiri: “Në Shqipëri dhe Kosovë tifozët çmenden për Liverpoolin”

Gazeta Express

11/04/2020 14:23

Në një intervistë për faqen zyrtare të Liverpoolit, në këto ditë karantine për shkak të virusit COVID-19, Xherdan Shaqiri ka folur për tema të ndryshme.

Sulmuesi shqiptar iu ka treguar anglezëve edhe për tifozët e shumtë që ka Liverpooli në Kosovë dhe Shqipëri.

Shaqiri gëzon një karrierë fantastike me Bayern Muncih që ka fituar disa trofe, nga ku u transferua nga Baseli, pastaj me Interin, Stoke City dhe tani me Liverpoolin që gjithashtu ka fituar trofe. Ai ka zhvilluar 82 paraqitje për Zvicrën, ka shënuar 22 gola.

“Liverpooli ka tifozë në mbarë botën. Veçanërisht në Zvicër ka shumë, po ashtu në Kosovë, në Shqipëri, njerëzit çmenden. Ata kanë qenë mbështetës edhe para ardhjes sime, por me ardhjen time, edhe më shumë”, shtoi Shaqa duke qeshur.

“Kudo që shkoj njerëzit bëjnë si të çmendur për këtë ekip”. /Gazeta Express/