Sanchez shpreson ta fitojë kontratën tek Interi

Gazeta Express

27/02/2020 18:45

Sulmuesi kilian është i huazuar në Itali nga Manchester United, por deri tash kontributi i tij ka qenë i pamjaftueshëm

Alexis Sanchez po shpreson ende që ta bindë trajnerin Antoni Conte për të mbetur në Inter, shkruan Gazeta Express.

Sulmuesi kilian është i huazuar për një vit tek “Nerazzurri”, por ai shpreson të nënshkruajë kontratë afatgjate me klubin italian.

Ish-futbollisti i Udineses, Barcelonës e Arsenalit nuk ka bindur deri tash me kualitetet e tij tek Zikaltrit.

Mirëpo, e përditshmja italiane “La Gazzetta dello Sport” shkruan se përfaqësuesi kilian do të bëjë gjithçka që ta fitojë kontratën tek Interi.

Lojtari nuk dëshiron të rikthehet më në “Old Trafford”, ku ishte dështim i madh. /Gazeta Express/