Ronaldo në mbështetje të Italisë

Gazeta Express

11/04/2020 13:26

Nga karantina e tij në Madeira, Ronaldo vazhdon të japë mesazhe.

Ylli i Juventusit, Cristiano Ronaldo, ka shfrytëzuar rrjetet sociale për t’i inkurajuar të gjithë në luftë me koronavirusin.

Madje, ylli portugez ka publikuar një foto ku fytyra e tij është e mbuluar me flamurin e shtetit të tij Portugalisë dhe vendit ku luan Ronaldo, Italisë.

“Në këto momente shumë të vështira për botën është e rëndësishme që në të bashkohemi dhe ta mbështesim njëri tjetrin. Le kontribuojmë të gjithë për të tejkaluar këtë situatë”, shkroi Ronaldo.

In this very difficult moment for our world it is important we unite and support each other. Let’s all do what we can to help. #beyondthemask #nevergiveup pic.twitter.com/SQjkeRlSw8

— Cristiano Ronaldo (@Cristiano) April 10, 2020

Ronaldo ndodhet në vendlindjen e tij ku ishte larguar me t’u përhapur koronavirusi në Itali.

Kujtojmë se Italia është një ndër vendet më të prekura në botë nga COVID-19.

Deri më tani janë regjistruar 147,577 raste pozitive, prej tyre 18,849 kanë vdekur. /Gazeta Express/