Raportohet se një i ri nga Malisheva humbi jetën në Itali, dyshohet se u mbyt në lum

Lajme

Gazeta Express

01/06/2026 12:19

Një ngjarje tragjike është raportuar në Itali, ku një i ri nga Komuna e Malishevës ka humbur jetën.

Sipas informacionit të deritanishëm, bëhet fjalë për Meridon Sefer Krasniqi nga fshati Damanek i Malishevës, i cili dyshohet se është mbytur derisa po lahej në një lum në Orzinovi të Italisë.

Ngjarja ka tronditur familjen, miqtë dhe të afërmit e të ndjerit, të cilëve u shprehen ngushëllimet më të sinqerta për këtë humbje të rëndë.

Autoritetet lokale në Itali pritet të sqarojnë më shumë rreth rrethanave të rastit, ndërsa familja është njoftuar për tragjedinë. /Klina info