Prishtina e transferon fundorin amerikan

Basketboll

Gazeta Express

22/07/2021 16:01

Sigal Prishtina ka vazhduar me përforcime. Klubi më i madh i basketbollit kosovar ka njoftuar për transferimin e lojtarit, Wendell Mitchell. Basketbollisti amerikan luan në pozitën 1, është i gjatë 191 centimetra dhe vjen nga kolegji amerikan Texas, njofton klubi prishtinas, përcjell Gazeta Express.

Mitchell në sezonin e fundit ka luajtur me një mesatare prej 10.2 pikë, 2.7 kërcime, 1.7 asistime. Prishtinasit e transferuan dje basketbollistin nga Franca, Alioune Tew, i cili luan në pozitën e qendrës.

Bardhekaltrit synojnë të jenë protagonistë në sezonin e ri të basketbollit kosovar pasi dështuan të bënin një gjë të tillë kohëve të fundit. /Gazeta Express/