Presidenti i FBK-së përmes T7 i reagon ish-selektorit që s’la gjë pa thënë për Kosovën

Basketboll

Gazeta Express

06/12/2023 20:49

Ish-selektori i Kosovës, Christos Marmarinos, tash skaut i skuadrës së NBA-së, Sacramento Kings, ka dhënë një deklaratë shokuese për mediat greke për kohën që e ka kaluar tek përfaqësuesja jonë.

Ai nuk ka lënë asnjë të zezë pa thënë për Përfaqësuesen e Kosovës, për kohën sa ishte pjesë e tyre.

Marmarinos tha se puna te Kosova ishte kthim në kohë për disa dekada. Ai ka theksuar se lojtarët e Kosovës ishin amatorë, ndërsa kushtet shumë të këqija.

Ka thënë se Kosovës i mungon kultura sportive dhe se lojtarët nuk e kanë mbajtur mend cilin lojtar duhet ta ruajnë.

Madje ka thënë se reprezentuesit e Kosovës nuk e kanë ditur kush është Michael Jordan, ndërsa ka folur edhe për një lojtar që u gjet në fushë patatesh dhe se për të babai i lojtarit ia kërkoi FBK-së 100 euro në muaj për të siguruar një punëtor dhe për ta lënë djalin që të ushtrojë.

Pas dy vjetësh djali i tij vendosi të heq dorë nga basketbolli.  

Në lidhje me këto deklarata ka mbetur i shokuar opinioni basketbolldashës, e sidomos Federata e Basketbollit e Kosovës.

Për televizionin T7, është deklaruar i pari i FBK-së, Arben Fetahu.

View this post on Instagram

A post shared by Emisioni sportiv FAVORIT – T7 (@favorit.t7)

Përveç kryetarit të FBK-së, të shokuar kanë mbetur edhe ish bashkëpunëtorët dhe anëtar të stafit teknik të tij të cilët përmes rrjeteve sociale kanë thënë se fjalën e Marmarinos janë të pavërteta.