Përhapen pamje ku shihet një tank ukrainas që ia zë pritën një kolone të tërë ruse

Lajme

Gazeta Express

06/04/2022 15:07

Një video e pakonfirmuar po përhapet në rrjetet sociale, në të cilën një tank i dyshuar ukrainas sulmon një kolonë të tërë të automjeteve ruse.

Incizimi dyshohet se është bërë pranë Nova Basanit. Është një vend në në lindje të Kyivit, i cili u çlirua pak ditë më parë si pjesë e një kundërofensive të madhe ukrainase, shkruan agjencia kroate e lajmeve, Index.

Nuk është e qartë se kur është bërë inzimi. Në fakt, autenticiteti i regjistrimit ende nuk është konfirmuar, përcjell Gazeta Express.

Videoja, e cila po shpërndahet masivisht në rrjetet sociale, tregon një tank ukrainas të fshehur pas disa ndërtesave, pak më larg nga rruga. Ai hap zjarr ndaj tankeve ruse që marshojnë në rrugë. Një tank në rrugë u godit, me sa duket.