Përfundon pjesa e parë, Ronaldo po shkëlqen me dy gola

Futboll

Gazeta Express

23/06/2026 19:51

Ka përfunduar pjesa e parë në ndeshjen mes Portugalisë dhe Uzbekistanit.

Kombëtarja portugeze po fiton pas 45-minutëshit të parë, me superyllin Cristiano Ronaldo që shkëlqeu me dy gola, derisa epërsia e Portugalisë është 3-0.

Ronaldo shënoi fillimisht në minutën e gjashtë, pasi u gjet mirë në zonë, duke e mposhtur portierin kundërshtar.

11 minuta më vonë, Portugalia e dyfishoi epërsinë, me golin e shënuar nga Nuno Mendesi, i cili shënoi nga goditja e dënimit.

Kur ndeshja po shkonte drejt fundit të pjesës së parë, në skenë doli prapë Ronaldo.

41-vjeçari shënoi një gol të bukur, pas asistimit nga Bruno Fernandes.

Me golin e parë të sontëm, Ronaldo u bë lojtari i parë që shënon në gjashtë kampionate botërore.

Ai tashmë ka dhjetë gola në Botërore, në karrierën e tij./GazetaExpress/