Penza me lehtësi në finale

Basketboll

Gazeta Express

04/10/2021 22:46

Penza ka kaluar në finale të Superkupës së Kosovës në basketboll për femra, duke mundur në finale Vëllaznimin me rezultat 92:36.

Penza dominoi nga fillimi deri në fund, duke shënuar fitore të merituar. Vashat pejane ishin bindëse në periudhën e parë, që e fituan 40:3. Ato nuk u ndalën as në çerekun e dytë, duke shkuar në pushim me rezultat 60:15.

Lojë e ngjashme u zhvillua edhe në periodën e tretë, ku skuadra pejane nuk lëshoi pe dhe dominoi në mbrojtje e në sulm, ndërsa rezultati në semafor pas 30 minutash ishte 78:29. 10 minutat e fundit u zhvilluan vetëm formalisht dhe Penza triumfoi në fund me rezultat 92:36. Penza në finale e pret fituesin e ndeshjes Prishtina-Bashkimi që zhvillohet nga ora 19:00.

Në ndeshjet e basketbollit lejohen 10 % e tifozëve, të cilët duhet të jenë të vaksinuar ose me Test PCR ose Rapid, ose Serologjik.

Orari

4 Tetor

Penza-Vëllaznimi 92:36

19:00 Prishtina-Bashkimi

5 Tetor

19:00 Finalja