Kampioni i peshave të mesme në UFC, Kamaru Usman e ka mbrojtur titullin pas fitores me vendim unanim kundër Jorge Masvidal në meçin që u zhvillua në të ashtuquajturin “Ishulli i luftimit” në Abu Dhabi.
Ishulli Yas i Emirateve të Bashkuar është ndërruar në ishull të luftimit për luftëtarët e UFC-së, një rajon i mbyllur ku do të mbahen katër ngjarje të UFC-së gjatë muajit korrik, transmeton Gazeta Express.
Në ngjarjen e parë nga katër sosh, nigeriani Usman e mbrojti me sukses titullin pas një paraqitje fantastike në një meç pesë rundesh dërrmues, të cilën gjyqtarët e vlerësuan me rezultat 50-45, 50-45, 49-46.
Masvidal, i cili pati vetëm gjashtë ditë kohë për t’u përgatitur për këtë meç, pasi braziliani Gilbert Burns doli pozitiv me koronavirus dhe ai e zuri vendin e tij, nuk pati përgjigje ndaj taktikave prej mundësi të Usmanit.
Me këtë fitore, Usman e përmirësoi rekordin e vet prej 17 fitoreve dhe 1 humbjeje, si dhe e zgjati ecurinë e fitoreve në 16 sosh në UFC.
/Gazeta Express/
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...