Ortiz rikthehet me nokaut dërrmues, i duhen vetëm 45 sekonda për ta mundur Floresin

Gazeta Express

08/11/2020 8:52

Luis Ortiz e ka mposhtur Alexander Floresin pas vetëm 45 sekondave në ring në një meç për kategorinë e rëndë të dielën, duke i dhënë fund mungesës njëvjeçare në ring.

Kubani, i cili është sfidues i titullit të botës, u rikthye në ring këtë fundjavë pas humbjes së dytë ndaj ish-kampionit të botës në WBC, Deontay Wilder, transmeton Gazeta Express.

Humbjet ndaj Wilderit janë të vetmet në karrierën e Ortizit.

Ortizit nuk iu desh aspak kohë për ta rrahur Floresin në meçin e zhvilluar në Los Angeles.

41-vjeçari e rrëzoi në tapet Floresin me një kombinim fatal; një e majtë e fuqishme në kokë që e shtyu atë mbrapa e pastaj një e djathtë në trup.

Flores nuk ishte në gjendje të vazhdonte më pas këtyre goditjeve.

Kjo fitore ia forcon Ortizit pozitën në vendin e tretë në renditjen e WBC-së, ku Tyson Fury është kampion i tanishëm.

Fury pritet ta mbrojë titullin kundër Agit Kabayel në dhjetor./Gazeta Express/

Luis Ortiz vs. Alexander Flores

LUIS ORTIZ CALLS OUT ANDY RUIZ; GOES “KING KONG” ON ANTHONY JOSHUA & KO PREDICTION FOR FLORESWilder vs. Ortiz II | HIGHLIGHTS | PBC ON FOX