Një raund i parë zhgënjyes për ekipet shqiptare në Evropë

Futboll

Gazeta Express

18/07/2024 23:25

Ka përfunduar raundi i parë kualifikues në tri garat evropiane, Ligën e Kampionëve, të Evropës dhe të Konferencës.

E ekipet shqiptare treguan paraqitje të dobëta, me vetëm një skuadër që arriti të kalonte raundin e parë, shkruan Gazeta Express.

Ishte ekipi i Partizanit të Tiranës që u kualifikua tutje në raundin e dytë kualifikues të Ligës së Konferencës.

Përkundër eliminimeve nga kualifikimet e Ligës së Kampionëve të Ballkanit, Strugës dhe Egnatias dhe në Ligën e Evropës të Llapit, këto ekipe së bashku me Partizanin dhe Dritën që është kualifikuar direkt, vazhdojnë garimin në raundin e dytë kualifikues të Ligës së Konferencës.

Këto janë rezultatet e ekipeve shqiptare në raundin e parë në Evropë:

LIGA E KAMPIONËVE

FC Ballkani 1:2 UE Sana Coloma (2:1), pas penalltive

Raundi i dytë kualifikues në Ligën e Konferencës: Ballkani – Hamrun (Malta)

Struga 1:2 Slovan Bratislava (2:4)

Raundi i dytë kualifikues në Ligën e Konferencës: Struga – Pyunik Yerevan (Armenia)

Egnatia 2:1 Borac Banja Luka (0:1) pas penalltive

Raundi i dytë kualifikues në Ligën e Konferencës: Egnatia – Vikingur Reykjavik (Islande)

LIGA E EVROPËS

KF Llapi 1:2 Wisla Krakow (0:2)

Raundi i dytë kualifikues në Ligën e Konferencës: Llapi – Brondby (Danimarke)

LIGA E KONFERENCËS

Buducnost 3:0 Malisheva (0:1)

Vllaznia 0:4 Valur  (2:2)

Shkendija 1:2 Noah (0:2)

Tirana 0:1 Torpedo Kutaisi (1:1)

Marsaxlokk 1:2 Partizani (1:1)