Një përballje sot në basketboll

Basketboll

Gazeta Express

27/10/2024 11:31

Java e shtatë në Superligën e Kosovës në basketboll do të vazhdojë sot me një ndeshje në program.

Takimi i vetëm i së dielës zhvillohet ndërmjet Yllit dhe Prizrenit, por që është mjaft i rëndësishëm.

Therandasit kanë tri fitore e tri humbje, derisa prizrenasit dy fitore e katër humbje, shkruan Gazeta Express.

Java e shtatë do të mbyllet me ndeshjen ndërmjet Sigal Prishtinës dhe Vëllaznimit, që zhvillohet të hënën.

Kryeqytetasit e kanë nisur edicionin me katër fitore e dy humbje, ndërsa kuqezinjtë me dy fitore e katër humbje.