Në Pejë shfaqet mesazhi përkrahës për Ukrainën, para ndeshjes në Ligën Ballkanike

Sport

Gazeta Express

04/11/2022 20:08

KB Peja sonte do të zhvillojë ndeshjen e parë të sezonit në Ligën Ballkanike.

Pejanët, që nuk njohin humbje në Superligën e Kosovës, do të takohen me skuadrën ukrainase, Budivelnyk, shkruan Gazeta Express.

Kjo ndeshje do të zhvillohet nga ora 20:15, në palestrën sportive të “Karagaçit”.

Nikoqirët kanë vendosur edhe një parullë ku kanë shprehur përkrahjen e tyre për Ukrainën, e cila tash e disa muaj po përballet me agresionin rus.

“Lavdi Ukrainës. Kosova qëndron me ju”, thuhet në këtë parullë të vendosur në palestër. /Gazeta Express/