NBA: Nets rigjejnë rrugën e fitores pas rikthimit të Harden

Basketboll

Gazeta Express

13/05/2021 13:32

Tjetër paraqitje mbresëlënëse e Russell Westbrook, por që nuk mjaftoi për të shmangur humbjen e radhës të Washington Wizards ndaj Atlanta Hawks me rezultatin 116-120.

Për ekipin nga Georgia spikati Trae Young me 33 pikë, 8 “rebound” e 9 asiste, i mbështetur nga Clint Capela me 17 pikë dhe 11 “rebound” dhe Bogdan Bogdanovic me 20 pikë.

Rikthehet mbi parket James Harden me Brooklyn Nets që triumfuan ndaj San Antonio Spurs 116-128. Plot 8 basketbollistë të Nets-ave arritën numër dyshifror pikësh, teksa shënuesi më i mirë rezultoi Landry Shamet më 21 pikë. Harden, u mjaftua me 18 pikë.

Humbje surprizë për Boston Celtics përballë Cleveland Cavaliers 94-102. Suksesi i skuadrës nga Ohio erdhi veçanërisht falë 30 pikëve dhe 14 “rebound” të një Kevin Love të ringjallur, ndërsa Collin Sexton shtoi 28 pikë dhe 8 asiste.

Fitore e lehtë e Dallas Mavericks, që iu imponuan 107-125 New Orleans Pelicans. Luka Doncic  e mbylli takimin si më i miri mbi parket me 33 pikë, 8 “rebound” dhe 8 asiste, ndërsa Tim Hardaway Jr. shtoi 27 pikë.

Në përballjen e madhe të mbrëmjes Portland Trail Blazers triumfuan 105-98 nda Utah Jazz. Vendimtar Damian Lillard me 30 pikë si dhe CJ McCollum me 26 pikë.

Duke iu referuar këtyre rezultateve, Portlandi e Dallasi luftojnë për vendin e pestë në Perëndim, kur kanë mbetur dy ndeshjet e fundit të sezonit të rregullt.

Qëndrojnë në garë për këtë pozicion edhe Los Angeles Lakers, të cilët mposhtën me vetëm dy pikë diferencë Houston Rockets 122-124. Spikatën Andre Drummon me 20 pikë dhe 10 “rebound” dhe Talen Horton Tucker me 20 pikë e 10 asiste./SS/

Rezultatet:

Wizards Washington – Atlanta Hawks 116-120

San Antonio Spurs – Brooklyn Nets 116-128

Boston Celtics – Cleveland Cavaliers 94-102

New Orleans Pelicans – Dallas Mavericks 107-125

Portland Trai Blazers – Utah Jazz 105-98

Houston Rockets – Los Angeles Lakers 122-124