NASA ndan imazhin e ‘UFO-ve’ të rrëzuar në Hënë!

Mistere

Gazeta Express

29/06/2022 22:26

“Anija kozmike” ka lënë dy kratere të mëdhenj në planet, për të cilët NASA tha se janë “ndryshe nga çdo gjë që është parë më parë”.

Një astronom është i bindur se raketa është nga Kina, edhe pse kjo nuk dihet me siguri.

Lunar Reconnaissance Orbiter i NASA-s zbuloi anijen kozmike dhe filloi ta gjurmonte atë nëpër hapësirë në vitin 2015. Raketa u rrëzua në Hënë më 4 mars dhe po udhëtonte me mbi pesë kilometra në sekondë.

Agjencia hapësinore publikoi një postim në lidhje me anijen kozmike të paidentifikuar më 24 qershor, së bashku me fotot e vendit të rrëzimit.

NASA shkroi:

“Çuditërisht krateri është në të vërtetë dy kratere, lindor dhe perëndimor, të mbivendosur”, duke shtuar se “një krater i dyfishtë është i papritur” dhe mund të jetë tregues i “jetës jashtëtokësore”.

Astronomi Bill Grey është i bindur se e di nga erdhi anija kozmike, duke thënë për BBC:

“Jam 99.9% i sigurt se është China 5-T1”, megjithëse Kina e ka mohuar këtë”.

Në maj, NASA njoftoi se do të shtonte përpjekjet e saj në “gjuetinë” e UFO-ve.

Ajo konfirmoi se do të ndihmonte hetimet e qeverisë amerikane në kërkimin e jetës jashtëtokësore pas dëgjimeve të para të Kongresit për “Fenomene Ajrore të Pashpjegueshme” (UAPs) në më shumë se 50 vjet.

Gjatë një takimi 90-minutësh në Washington në fund të muajit të kaluar, zyrtarët u thanë të pranishmëve se raportet e UAP-ve ishin dyfishuar vitin e kaluar.