Meta: T’i pritet dora atij që vjedh votat!

Gazeta Express

23/10/2020 13:23

Presidenti Ilir Meta ka bërë disa deklarata të forta, duke thënë se kush prek votat e 25 prillit, duhet dënuar njëlloj si në Mesjetë.

Gjatë një prononcimi për median nga Korça, Meta tha se e gjithë vëmendja e Shqipërisë e shqiptarëve është në datën e zgjedhjeve, pasi më 26 prill, vendi do të hyjë në një epokë të re.

Meta: E gjithë vëmendja e Shqipërisë dhe shqiptarëve do të jenë të zgjedhjet. Shqipëria do të jetë vend që ka shpresë, dhe jo e 5 oligarkëve. Që i marrin shpirtin këtij vendi. Nuk ka ndodhur kurrë që të rritet borxhi publik dhe varfëria. Borxhi nuk merret për të ndihmuar njerëzit në vështirësi, por merret për PP, që nuk kanë asnjë çmim. Të ardhurat shkojnë poshtë. Zgjedhjet do të zgjidhin sundimin e ligjit. Pas 25 prillit, Shqipëria do të hyjë në një epokë të re, në çdo rast. Të dy do të jenë krimet më të mëdha dhe më të ndëshkueshme. Prekja e Kushtetutës dhe vjedhja e votës. As presja e Kushtetutës nuk do të preket më. Kush prek një votë t’i pritet dora, si në Mesjetë. Meqë dënimin me vdekje e kemi të ndaluar./Express