Ish-zëvendës Presidenti i SHBA-ve, Mike Penc ka mbërritur pasditen e së enjtes në Shqipëri, ku ka vendosur që vizitën e tij ta nisë në Manzë, në kampin “Ashraf 3” ku strehohen opozitarët iranianë.
Mësohet se Pence është pritur nga shumë politikanë shqiptarë të të gjitha kaheve politike, si Taulant Balla, Enkelejd Alibeaj, Monika Kryemadhi, Pandeli Majko, Belind Këlliçi, Mimi Kodheli, Bujar Leskaj, e shumë deputetë të tjerë të të tre forcave politike.
Kjo është vizita e parë e Mike Pence në Shqipëri, por jo në Ballkan, pasi në vitin 2017 gjatë kohës që ishte zëvendëspresident, ai ka vizituar kryeqytetin e Malit të Zi, Podgoricën.
Pence bëhet zyrtari i dytë i lartë amerikan në pak kohë, i cili viziton Shqipërinë, pas Mike Pompeo, i cili erdhi në Tiranë në maj të këtij viti.
/Express
Meeting with @Mike_Pence, the 48th Vice President of the United States, at Ashraf-3 pic.twitter.com/VfjjSpNN2d
— Maryam Rajavi (@Maryam_Rajavi) June 23, 2022