Mariah Carey fundos Ellen DeGeneres: Më detyroi të pija alkool ndërkohë që sapo kisha abortuar - Gazeta Express

Rozë

Gazeta Express

01/09/2020 17:24

Mariah Carey fundos Ellen DeGeneres: Më detyroi të pija alkool ndërkohë që sapo kisha abortuar

Rozë

Gazeta Express

01/09/2020 17:24

Prej disa kohësh moderatorja e njohur Ellen DeGeneres po përballet me një lumë akuza nga stafi i saj, por edhe ish-bashkëpunëtorë që e përshkruajnë yllin e televizionit amerikan si të pasjellshme, fyese, njeri toksik dhe shfrytëzuese të paskurpullt.

Pas akuzave të fundit me të cilat Ellen DeGeneres po përballet, një rrëfim nga Mariah Carey duket se po e fundos edhe më shumë atë.

Në një intervistë për Vulture, duke iu referuar një prej paraqitjeve të saj në “The Ellen Show” në vitin 2008, ajo tha se presioni që Ellen i ushtroi për  të folur për shtatzëninë e saj, e bëri të ndihej shumë në siklet.

Gjatë paraqitjes së saj në emision, Ellen i ushtroi presion të ngrinin një dolli me shampanjë, për të vërtetuar se nuk ishte shtatzënë. Asokohe Carey kishte pësuar një abort spontan, ndërsa pak kohë pas emisionit, ajo pësoi sërish një abort.

“Isha jashtëzakonisht në siklet në atë moment, kjo është gjithçka që mund të them. Dhe me të vërtetë e kam pasur të vështirë të përballem me pasojat. Nuk isha gati t’i tregoja askujt sepse kisha pësuar një abort spontan. Nuk dua t’i hedh më shumë benzinë zjarrit, por nuk e shijova atë moment”, -u shpreh Carey.

Videoja e emisionit po bën xhiron e Twitterit, ndërkohë që Ellen ndodhet në shënjestrën e të gjithëve që pas pretendimeve se shfaqja e saj ka një mjedis toksik pune. Ndërsa “Ellen DeGeneres Show” ndërpreu marrëdhëniet me prodhuesit Ed Glavin, Kevin Leman dhe Jonathan Norman pas raportimeve për bullizëm, ngacmim seksual dhe racizëm në mjedisin e punës.