Luiz Ejlli në Kosovë ndihet si në shtëpinë e tij, përmend edhe heroin e ri, Afrim Bunjaku

TV/Film

Gazeta Express

18/10/2023 22:37

Këngëtari dhe fituesi i Big Brother Albania VIP 2, Luiz Ejlli është në Kosovë ku do të marrë pjesë në premierën e filmit “Në kuadër të dashurisë” që sonte u shfaq në Prishtinë, derisa nesër do të shfaqet në Gjakovë

Në një prononcim për gazetarët derisa hyri në premierën ku ai luan rolin kryesor, Luizi ka folur edhe për Kosovën.

Ai ka thënë që ndihet “si në shtëpinë e tij në Kosovë” derisa ka folur edhe për heroin më të ri të Kosovës, që u vra në orët e para të mëngjesit, Afrim Bunjaku.

“Me vjen keq që dëgjoj lajmë të rënda për Kosovën dhe edhe njëherë i shprehu ngushëllime familjes së Afrim Bunjakut”, ka thënë ndër të tjera Luizi gjatë premierës së tij në Prishtinë.  /GazetaExpress/