Llapi do të jetë pjesë e Superligës sezonin e ardhshëm, e fiton ndeshjen e barazhit

Futboll

Gazeta Express

06/06/2026 17:55

Llapi ka arritur fitoren më të madhe të sezonit 2025/26, duke e fituar finalen e barazhit, për mbetje në Superligën e Kosovës.

Skuadra e drejtuar nga Tahir Batatina fitoi 2-0 ndaj Dinamos së Ferizajt, shkruan Gazeta Express.

Ishte Fiton Ademi që e hapi serinë e golave, në minutën e 12-të të takimit.

11 minuta më vonë, ishte Muhamet Hyseni që shënoi për 2-0, nga pika e bardhë e penalltisë.

Gola më nuk pati, dhe kështu Llapi do të mbetet në Superligën e Kosovës për sezonin e ardhshëm, teksa Dinamo do të luajë prapë në Ligën e Parë.

Llapi përfundoi në finale të barazhit, pasi përfundoi në vendin e tetë në Superligën e Kosovës, në sezonin që sapo e kemi lënë pas.

Ndërkohë, Dinamo përfundoi i katërti në sezonin e rregullt në Ligën e Parë, teksa në gjysmëfinale të barazhit e mposhti Lirinë e Prizrenit.

Llapi ishte në barazh edhe sezonin e kaluar, pasi po ashtu kishte përfunduar i teti në tabelë. Aty, llapjanët e kishin mposhtur Vushtrrinë në penallti./GazetaExpress/