Laura Fazliu vazhdon me paraqitje fantastike, kalon në gjysmëfinale të Evropianit

Sport

Gazeta Express

30/04/2022 13:01

Laura Fazliu ka kaluar në gjysmëfinale të Kampionatit Evropian, i cili po mbahet në Sofje të Bullgarisë.

Xhudistja nga Kosova ka shënuar fitore edhe në çerekfinale, ndaj Renata Zachovas nga Republika e Çekisë.

Laura Fazliu garon në kategorinë deri në 63 kilogramë, shkruan Gazeta Express.

21-vjeçarja në gjysmëfinale do të përballet me Cristina Cabana nga Spanja.

Xhudistja jonë në raundin e parë e mposhti xhudisten nga Izraeli, Kerem Primo, kurse në raundin e dytë fitoi ndaj britanikes, Lucy Renshall. /Gazeta Express/