Ky është aplikacioni që krijon lajme të rreme të cilat nuk mund të dallohen


Gazeta Express
10 Dhjetor 2019 20:50

”Deep fake” është një kërcënim i ri dhe i frikshëm, që në të ardhmen rrezikon shndërrimin e ekosistemit dixhital në një botë ku, të dallosh të vërtetën nga e rremja do të jenë gjithnjë e më të vështira.

Pasojat e mundshme të përdorimit të tij të paligjshëm janë shqetësuese. Ju mund të krijoni një video false, ku politikanët dhe figurat publike bëjnë deklarata me një peshë të caktuar.

Krijimi i një videoje false, por krejtësisht të besueshme dhe përhapja e saj përmes internetit rrezikon të heqë bastionin e fundit të realitetit. Videot e rreme janë në gjendje të shndërrohen në një armë të rrezikshme dhe efektive për të krijuar një lajm të rremë për të manipuluar opinionin publik.

Teknika lejon përdorimin e inteligjencës artificiale për të mbivendosur një fytyrë të ndryshme në fytyrën e një personi në një video, duke krijuar kështu një shkëmbim identiteti.

”Deep fake” mund të dëmtojë reputacionin e njerëzve dhe kompanive, të ndërhyjë në politikën kombëtare dhe ndërkombëtare dhe të sigurojë një mjet të ri për përhapjen e lajmeve të rreme.

Te fundit


Kthehu lart