Konfirmohet e ardhmja e Van Dijk, kapiteni mbetet te Liverpool

Futboll

Gazeta Express

04/07/2026 14:11

Kapiteni i Liverpoolit, Virgil van Dijk, pritet të vazhdojë të jetë pjesë e “The Reds”, pavarësisht spekulimeve të fundit që e lidhnin me një largim nga klubi.

Sipas gazetarit James Pearce, trajneri i ri i Liverpoolit, Andoni Iraola, llogarit në shërbimet e mbrojtësit holandez për sezonin 2026/27 dhe e konsideron atë një pjesë kyçe të projektit të tij.

Raporti thekson se Liverpool nuk ka asnjë plan të shqyrtojë oferta për Van Dijk, duke i dhënë fund zërave për një largim të mundshëm gjatë kësaj vere.

Aktualisht, mbrojtësi holandez ndodhet në pushime dhe pritet t’i bashkohet skuadrës sipas planit për nisjen e fazës përgatitore para sezonit të ri.