Konfirmohen bisedimet për rikthimin e Furyt, boksieri planifikon një meç kundër Bjornssonit këtë vit

Sport

Gazeta Express

26/07/2022 17:53

Tyson Fury dhe Hafthor Bjornsson kanë konfirmuar se janë në bisedime për të zhvilluar një meç boksi mes vete.

33-vjeçari nuk ka luftuar që kur njoftoi tërheqjen e tij nga boksi profesionist në prill, pasi mbrojti titullin e tij të peshave të rënda WBC kundër Dillian Whyte në Wembley, përcjell Gazeta Express.

“The Gypsy King” tani mund të rikthehet kundër Bjornssonit, i cili luajti “The Mountain” në “Game Of Thrones”. Negociatat po zhvillohen për një meç që do të organizohet në një stadium futbolli në Londër, në nëntor të këtij viti.

“Do të ishte pak argëtuese. Do të ishte mirë të hyje aty para, të themi, 70,000 tifozëve dhe t’i tregosh se çfarë është boksi, ta bëj të humbasë dhe ta nokautoj”, tha Fury për “The Telegraph”.

“Ne jemi duke folur me ekipin e tij për momentin dhe kjo është padyshim diçka për të cilën jam i interesuar”, shtoi ai.

Kurse, Bjornsson për “iFLTV” tha: “Unë e di që po zhvillohen disa negociata, por nuk ka marrëveshje të plotë. Nëse do të ndodhte, unë me kënaqësi do të hyja në ring dhe do ta luftoja me kënaqësi”.

“E kam thënë që nga dita e parë. Kur njerëzit më kanë pyetur ‘a do të luftoje me Tyson Fury?’, unë gjithmonë kam thënë po”, shtoi ai.

“Do të ishte një nder i madh për mua të luftoja me boksierin më të mirë të peshave të rënda në botë dhe do të ishte një përvojë e mrekullueshme për veten time. A do të rrahëm? Ndoshta, por nuk më intereson. Gjithmonë do të bëj më të mirën dhe do të shkoj në çdo luftë me besimin e një fitoreje. Natyrisht, nëse ndodh, unë do të përballem me boksierin më të mirë të të gjitha kohërave, ose një nga boksierët më të mirë, të paktën në peshën e rëndë. Do të ishte jashtëzakonisht sfiduese me siguri, por ju nuk e dini. Kurrë mos thuaj kurrë. Kurrë mos dyshoni në veten tuaj”, deklaroi ai.

Islandezi bëri debutimin e tij në boks në vitin 2021, teksa deri më tani ka zhvilluar dy meçe, të cilat i ka fituar. /Gazeta Express/