“Koalicionet që i ka bërë Ariani janë përparësi për të, ndërsa përparësia e Pecit është ajo që ndodhi me exit pollet”, Nexhmedin Spahiu

Lajme

Gazeta Express

08/11/2025 21:41

Sonte në Pressing është duke u diskutuar për komunat që votojnë nesër në raundin e dytë, koalicionet dhe tubimet e fundit të partive.

Pjesë e të ftuarve është edhe Nexhmedin Spahiu. Ky i fundit ka deklaruar ndër tjerash se koalicionet e arritura të kandidatit të Partisë Demokratike të Kosovës, Arian Tahirit, janë përparësi për të.

‘’Për Mitrovicën sigurisht që këto koalicionet që i ka bërë Arianit janë përparësi për të, me LDK, AAK, me të gjithë. Mirëpo përparësia e Fatonit është kjo ça ka ndodh me këto Exit Pollet, sepse shoh që një pjesë e madhe e njerëzve që nuk kanë dalë me votu, nuk e kanë votu Fatoni  për një arsye ose tjetër, tani do të dalin pikërisht si reagim, për inati të Baton Haxhiut, për inati të Ermal Pandurit, kanë me dal me votu Fatonin. Megjithatë cili ka me qenë rezultati, vështirë është me parashikua’’, ka thënë Spahiu. /GazetaExpress