Kindle -it e vjetër humbasin aksesin në libra të rinj

AutoTech

Gazeta Express

08/04/2026 21:43

Amazon ka vendosur rregulla të reja që do të prekin përdoruesit e disa modeleve të vjetra Kindle, duke u bllokuar aksesin në libra të rinj nga dyqani online.

Nga 20 maji 2026, pajisjet Kindle të prodhuara në vitin 2012 ose më herët nuk do të mund të blejnë, shkarkojnë apo huazojnë më libra të rinj. Megjithatë, përdoruesit do të mund të vazhdojnë të lexojnë librat që kanë tashmë të shkarkuar në pajisjet e tyre.

Sipas kompanisë Amazon, këto pajisje janë mbështetur për më shumë se një dekadë, por përparimi i teknologjisë ka bërë që ato të mos përditësohen më.

Modelet që preken përfshijnë:

Kindle (gjenerata e parë, 2007)

Kindle DX dhe DX Graphite (2009–2010)

Kindle Keyboard (2010)

Kindle 4 (2011)

Kindle Touch (2011)

Kindle 5 (2012)

Kindle Paperwhite (gjenerata e parë, 2012)

Përdoruesit e këtyre pajisjeve po njoftohen për ndryshimet dhe kompania po ofron disa lehtësime për kalimin në modele të reja, përfshirë zbritje prej 20% dhe kredi për libra elektronikë.

Edhe pse pajisjet e vjetra do të vazhdojnë të funksionojnë, libraritë personale dhe llogaritë do të mbeten të aksesueshme përmes aplikacionit Kindle ose versionit web.

Ndërkohë, Amazon ka prezantuar edhe modelet më të reja, si Kindle Scribe, të cilat janë më të shpejta, më të holla dhe për herë të parë ofrojnë edhe ekran me ngjyra. Çmimet për këto pajisje të reja fillojnë nga rreth 450 paund dhe mund të shkojnë mbi 560 paund për versionet më të avancuara.

Për përdoruesit me modele të vjetra, kjo mund të jetë një kohë e përshtatshme për të menduar për një përditësim. /GazetaExpress/