Kim Kardashian e veshur në lëkurë të kuqe, bën që të gjithë të kthejnë kokën

Gazeta Express

07/10/2020 10:10

Kim Kardashian duket atraktive e veshur me kostum me ngjyrë të kuqe, gjatë një mbrëmje në Malibu.

Kim Kardashian dukej joshëse kur u fotografua duke dalë nga makina e saj në Malibu, të hënën në mbrëmje, shkruan Daily Mail, transmeton lajmi.net.

Ylli i reality-shout dhe biznesmenja 39 vjeçe, tregoi figurën e mahnitshme e veshur me një kostum prej lëkure, me ngjyrë të kuqe, i cili ia theksonte format trupore asaj.

Në pjesën e sipërme kostumi ishte i prerë në pjesën e belit, duke treguar barkun e saj të tonifikuar, ndërsa pantallonat e ngushtë ia theksonin linjat.

Kim i kishte lidhur flokët gërsheta, teksa partneri i saj Kanye West apo dikush nga motrat ose vëllezërit e saj, nuk po e shoqëronin atë në atë mbrëmje.

Bukuroshja së fundi ka zbuluar se ajo u kujdes për Kanye derisa u shërua nga COVID-19 në mars.

Në një intervistë për “Grazia”, ajo tregoi haptas se si e ndihmoi burrin e saj gjatë kohës kur ishte i infektuar me koronavirus.

Kim tha se ajo kohë ishte e frikshme dhe se Kanye ishte infektuar gjatë kohës kur aktori Tom Hanks dhe Rita Wilson kishin konfirmuar se u infektuar me atë virus.