Khabib e Jake Paul tallen me McGregorin: “Hajde Conor, 23 dollar të jap tani – e mira e mundi të keqen”

Sport

Gazeta Express

11/07/2021 10:02

Trilogjia e dueleve me Dustin Poirier përfundoi në mënyrën më të keqe për Conor Mcgregor, i cili nuk mundi të luftonte dot deri në fund ndaj rivalit të tij amerikan në UFC 264.

Famëkeqi irlandez, 10 sekonda para mbylljes së raundit të parë, theu kaviljen dhe ai moment ka bërë xhiron e internetit.

Vendimin e arbitrave McGregor nuk e ka pranuar, duke thënë se ishte një vendim i mjekëve për ta ndalur ndeshjen. Gjithsesi tre arbitrat vendosën t’ia japin ndeshjen Poirier, i cili edhe me pikë e kishte marrë raundin e parë.

Dueli mes McGregor dhe Poirier ka tërhequr edhe vëmendjen e Khabib Nurmagomedov, i cili në Twitter ngacmon irlandezin: “E mira e mund gjithe te keqen. Shumë i lumtur për fitoren e Dustin Poirier. Shpresoj që të marrësh rripin deri në fund të vitit”.

Good always defeats evil.
Very happy for @DustinPoirier I hope you will get the belt end of the year

— khabib nurmagomedov (@TeamKhabib) July 11, 2021

Luftëtari irlandez është ngacmuar edhe nga Jake Paul, boksieri dhe Youtuberi i famshëm. Më parë ai kishte ofruar 50 milion euro të ndeshej me të, kurse oferta tani është tallëse: “Oferta ime e re për Conor McGregor është 23 dollarë”.

My new offer for Conor Mcgregor is $23 dollars

— Paul Paul (@jakepaul) July 11, 2021