KF Rilindja 1974 ndan rrugët me trajnerin Faruk Statovci

Sport

Gazeta Express

21/02/2026 21:27

KF Rilindja 1974 ka njoftuar zyrtarisht për ndërprerjen e bashkëpunimit me trajnerin Faruk Statovci.

Përmes një komunikate, klubi bëri të ditur se palët kanë vendosur të ndajnë rrugët, duke i dhënë fund periudhës së bashkëpunimit mes tyre.

Nga Rilindja 1974 kanë falënderuar Statovcin për angazhimin, profesionalizmin dhe kontributin e dhënë gjatë kohës sa ishte në krye të skuadrës.

“Falënderojmë trajnerin Statovci për angazhimin, profesionalizmin dhe kontributin e dhënë gjatë periudhës së bashkëpunimit. I urojmë shumë suksese në vazhdim të karrierës së tij dhe në sfidat e ardhshme”, thuhet në njoftimin e klubit.

Tashmë mbetet të shihet se kush do ta marrë drejtimin e ekipit në vazhdim të sezonit. /GazetaExpress