Kërkuan ndryshimin e masës së sigurisë në Apel, shtyhet gjyqi për të akuzuarit e “Bankers”

Shqiperi

Gazeta Express

05/08/2025 18:11

Është shtyrë për ditën e nesërme, 6 gusht në orën 10:00 seanca për çështjen e “Bankers Petroleum Albania LTD”.

Dhjetë personat e akuzuar kërkuan në Gjykatën e Apelit, në seancën me dyer të mbyllura të kësaj të marte, 5 gusht, ndryshimin e masës së sigurisë. Cështja është shtyrë për shkak të kompleksitetit të dosjes.

Kujtojmë se janë lënë në arrest me burg CEO-ja aktual i kompanisë, Hongping Xiao dhe ish-drejtori, Leonidha Çobo.

Ndërkohë tetë punonjësit e tjerë të kompanisë janë lënë pesë në arrest shtëpie dhe tre në detyrim paraqitjeje nga Gjykata e Shkallës së Parë.