Kënga më e re e Stresit “Kosovë-Shqipni” e realizuar në BBVK, lansohet edhe në YouTube

TV/Film

Gazeta Express

15/03/2023 20:34

Konkurrentit finalist të Big Brother VIP Kosova, Stresit, i cili njëherësh është ndër rep artistët më me nam, i është publikuar në platformën YouTube, kënga e tij më e re “Kosovë-Shqipni”.

Kënga më e re e Stresit është publikuar në kanalin zyrtar të tij në YouTube, bashkë me fotografinë e tij prezantuese të BBVK-së, veç se në sfondin e saj janë vendosur fotografitë e flamujve të Kosovës dhe Shqipërisë.

E vetëm para pak ditësh, Stresi e kishte dëgjuar për herë të parë “Kosovë-Shqipni”, të realizuar përgjatë aventurës së tij televizive në shtëpinë e “Vëllait të Madh”.

Formatin televiziv Big Brother VIP Kosova mund ta ndiqni në platformat: ArtMotion, Kujtesa dhe NimiTV.