Keçi: E mundëm ekipin që e synon titullin dhe Kupën

Gazeta Express

09/03/2020 16:11

Trajneri i Flamurtarit, Synaj Keçi e konsideron si mjaft të madhe fitoren ndaj Ballkanit sot, e cila ia rrit gjasat për shpëtim skuadrës së tij

Synaj Keçi ndihet mjaft i lumtur për fitoren që e regjistroi sot Flamurtari ndaj Ballkanit me rezultat 2:1, shkruan Gazeta Express.

Therandasit vinin nga dy rezultate pozitive në derbi, por u dorëzuan përballë Kuqezinjve prishtinas.

“Ishte një ndeshje mjaft e rëndësishme për ne, na janë nevojitur shumë të tria pikët. Kemi punuar më shumë në anën psikologjike në ditët e fundit pas humbjes nga Drenica. E mundëm një kundërshtar që e synon titullin e kampionit dhe Kupën e Kosovës. Djelmoshat treguan karakter dhe treguan që mund t’i mposhtin të gjitha ekipet, pa marrë parasysh a është Ballkani, Prishtina, apo dikush tjetër”, deklaroi Keçi për Super Sport”.

Flamurtari ngritet në pozitën e tetë në tabelë me 28 pikë të grumbulluara, duke i ikur zonës së barazhit. /Gazeta Express/