KB Peja paralajmëron organizim në “Karagaçi” për finalen ndaj Trepçës

Sport

Gazeta Express

16/05/2023 22:09

Të enjten do të zhvillohet ndeshja e pestë finale mes Trepçës dhe Pejës.

Kjo ndeshje do të zhvillohet në palestrën sportive “Minatori”, nga ora 20:00, shkruan Gazeta Express.

Ndeshja pritet të jetë tejet interesante për faktin se skuadra fituese do të shpallet edhe kampione e Kosovës për këtë sezon.

KB Peja ka njoftuar se për këtë ndeshje do të ketë organizim edhe në shtëpinë e tyre, në palestrën “Karagaçi”.

Kujtojmë se si Peja, ashtu edhe Trepça, janë në kërkim të titullit të kampionit pas një dekade.

Peja për herë të fundit ishte shpallur kampione në vitin 2013, kurse Trepça më 2012. /Gazeta Express/