Kampioni përballet me liderin, dy ndeshje interesante sot në basketbollin kosovar

Sport

Gazeta Express

02/11/2024 8:27

Elita e basketbollit kosovar vazhdon sot me xhiron e tetë.

Do të jenë dy përballje mjaftë interesante, por fokusi kryesor do të jetë në “Minatori” të Mitrovicës.

Aty. Trepça do t’i bëj konak Bashkimit, që është lideri aktual i Superligës.

Skuadra nga Prizreni ka shtatë fitore në shtatë ndeshjet e para të sezonit.

Në anën tjetër, skuadra e drejtuar nga Adis Beçiragiq ka pesë fitore e dy humbje.

Gjatë përballjes së parë mes këtyre dy klubeve në xhiron e parë, fitoren e mori Bashkimi.

Kjp ndeshje luhet nga ora 17:00, derisa nga ora 19:00 luhet ndeshja tjetër në “Karagaçi”.

Peja pret Vëllaznimin që vjen nga një fitore e madhe.

Gjakovarët triumfuan bindshëm në kryeqytet javën e kaluar ndaj Prishtinës.

Pejanët kanë tri humbje radhazi, së fundmi nga Bashkimi.

Në takimin e parë mes vete këtë edicion, Vëllaznimi kishte triumfuar në “Shani Nushi”./GazetaExpress/