Kadriaj ironizon: VV e ka çliru Mitrovicën duke i pranu strukturat e Serbisë, e pranuan Zajednicën e ia falën 10 hektarë Manastirit

Lajme

Gazeta Express

17/04/2026 12:14

Deputetja e AAK-së, Time Kadriaj, i është përgjigjur në Kuvend deputetit të VV-së, Artan Abrashi, i cili ka folur për vendimet e Qeverisë Kurti lidhur me Veriun e ngjarjet që kanë ndodhur në atë pjesë të vendit.

Kadriaj ka thënë se deputeti i VV’së po flet për Veriun, por s’po tregon se Kosovës i janë vendosur sanksione për shkak të veprimeve atje.

“Parafolësi i parë nga LVV foli për ngjarjet e mëdha që kanë ndodhë nga VV. Sovranitet, integritet. Foli edhe për rezultatin e mirë kur i kanë heq targat. Por çfarë ka sjellë heqja e atyre targave, ka sjellë sanksione dhe targat përsëri janë kthy”, ka thënë Kadriaj.

Ajo tutje ka thënë se Qeveria Kurti i ka pranuar strukturat paralele dhe dokumentet e tyre.

“E kanë çlirua Mitrovicën, sepse tash i kanë pranuar edhe strukturat paralele e dokumentet e tyre. Edhe marrëveshjen tjetër e kanë pranu, Zajednicën që kanë luftu shumë”, ka shtuar tutje Kadriaj.

Kadriaj ka thënë se Kurti ia ka dhënë edhe dhjetë hektarë tokë dhuratë një ministri serb

“Kanë luftu edhe për tokat e Manastirit të Deçanit, kanë ardhë prej Prishtinë në Deçan e janë shkrry, e nfund i dhanë 10 hektarë tokë dhuratë një ministri serb”, ka thënë ajo.