Intervista e Lacazettes bëhet virale, francezi humbi zërin në ndeshjen e mbrëmshme ndaj Monacos

Sport

Gazeta Express

12/09/2022 12:01

Alexandre Lacazette ka dhënë një nga intervistat më gazmore ndonjëherë.

Të dielën mbrëma, Lyoni zhvilloi ndeshjen e vlefshme për javën e shtatë në Ligue 1, të cilën e humbi me rezultatin 2:1 në udhëtim te Monaco – shkruan Gazeta Express.

Intervista e dhënë nga Lacazette pas ndeshjes është bërë virale tashmë në rrjetet sociale. Ajo po vlerësohet si gazmore nga shumica.

Sulmuesi francez humbi zërin e tij në ndeshjen ndaj Monacos, teksa intervistën e dha me një zë krejtësisht ndryshe – ka shkruar “SportBible”.

Mes tjerash, 31-vjeçari në këtë intervistë shprehi keqardhje për tifozët e Lyonit, të cilët nuk munden të festonin një fitore. /Gazeta Express/