Hera e tretë që duan ta vrasin, Pashko Ujka u qëllua në shpinë, dyshimet e para

Shqiperi

Gazeta Express

29/11/2021 19:22

Është plagosur me armë zjarri pak momente më parë ish-kryetari i Komunës së Velipojës, Pashko Ujka.

Mesohet se ngjarja ka ndodhur në afërsi të shtëpisë së tij, në një lulishte pranë Kishës Ortodokse ku ai ka qenë duke ecur. Ai tha se Ujka është plagosur në shtyllën kurrizore ndërkohë që është transportuar në spital.

Dyshimet e para të policisë janë që ngjarja të ketë lidhje me  periudhën 2011-2015 kur Ujka ka shërbyer si kryetar komune ndërkohë që ai është plagosur edhe  herë  tjeter.

“Pak minuta më parë është plagosur ish-kryetari i komunës së Velipojës në vitet 2011-2015. Në vendngjarje ka mbërritur edhe policia e Shkodrës. Plagosja ka ndodhur në afërsi të banesës së tij, në një lulishte në pranë Kishës Ortodokse. Persona të paidentifikuar kanë qëlluar në drejtim të tij. Ai ka marrë plagë në shtyllën kurrizore dhe është transportuar në spital. Nga hetimet e  para policia dyshon se kjo ngjarje të jetë e lidhur me periudhën që ai ka shërbyer si kryetar komune.Kohë më përpara kanë qëlluar në drejtim të banesës së tij. Ka qenë një sinjalizim dhe 2 herë të tjera persona të paidentifikuar kanë qëlluar në drejtim të tij. Ujka ka qene edhe Deputet i Aleances Demokratike”- tha gazetari.