Haziri thotë se marrëveshja VV-LDK do të nënshkruhet të dielën - Gazeta Express
string(62) "haziri-thote-se-marreveshja-vv-ldk-do-te-nenshkruhet-te-dielen"

Gazeta Express

01/02/2020 19:33

Haziri thotë se marrëveshja VV-LDK do të nënshkruhet të dielën

Gazeta Express

01/02/2020 19:33

Nënkryetari i Lidhjes Demokratike të Kosovës, Lutfi Haziri, ka konfirmuar se të dielën do të arrihet marrëveshja mes partisë së tij dhe Lëvizjes Vetëvendosje për formimin e koalicionit për bashkëqeverisjen e vendit.

“Të hënën duhet të shkojmë ta zgjedhim Qeverinë. Angazhimet janë të mëdha. Besoj që nesër arrihet marrëveshja”, ka thënë Haziri për Mediafokus.info.

Lexo Edhe:

Më herët, Gazeta Express ka raportuar se është hapur rruga për marrëveshje mes VV’së dhe LDK’së.

Express po ashtu ka raportuar se Kryetari i Kuvendit të Kosovës, Glauk Konjufca, pritet të japë dorëheqje nga posti i tij, për t’i hapur rrugë formimit të koalicionit VV-LDK.

Partia e Albin Kurtit dhe subjekti që udhëhiqet nga Isa Mustafa sipas të gjitha gjasave do ta bëjnë qeverinë të hënën.

Më 3 shkurt, e hënë, është caktuar që të mbahet seanca e Kuvendit të Kosovës për votimin e qeverisë së re të vendit.

Kryesia e Kuvendit ka miratuar kërkesën për seancë, të bërë nga kryetari i Lëvizjes Vetëvendosje, Albin Kurti, i cili është mandatar për formimin e kabinetit të ri qeverisës.

Kurti mori më 20 janar mandatin nga presidenti i Kosovës, Hashim Thaçi, ndërsa kërkoi që Kuvendi të mblidhet një ditë para skadimit të afatit kushtetues prej 15 ditësh për formimin e qeverisë.

Kërkesa e tij u bë teksa ende nuk është arritur marrëveshja e pritur me LDK’në për formimin e qeverisë.

Dy partitë po negociojnë për të formuar koalicionin qeverisës pothuajse prej kur kanë përfunduar zgjedhjet e vjeshtës së kaluar.