Hassani e rimerr veten nga rrëzimi i papritur dhe nga vendi i 11-të del e para në 1500m vrapim

Sporte tjera

Gazeta Express

02/08/2021 12:08

Sifan Hassan e rimori veten nga një rrëzim dramatik për të fituar në baterinë e saj në 1500 metra dhe për t’i mbajtur gjallë shpresat për një tripletë të paparë në shtegun e atletikës në Lojërat Olimpike.

Atletja holandeze është në garë për t’i fituar medaljet e arta në tri gara të ndryshme në vrapim, 1.500 metra, 5.000 metra dhe 10.000 metra, raporton Gazeta Express.

Nëse ia arrin qëllimit, ajo do të futet në histori duke u bërë atletja e parë që e arrin këtë veçori.

Në rrethin e fundit në baterinë e saj në 1.500 metra në Tokio, ajo u rrëzua pasi u kurthua në atleten e Kenisë. Edinah Jebitok, e cila ishte rrëzuar përballë saj.

This is an incredible recovery by the #Netherlands’ Sifan #Hassan who fell down with a lap to go in the 1500m, got up, and won her heat.

pic.twitter.com/oA1OFFeAct

— Paul Almeida (@AzorcanGlobal) August 2, 2021

Hassani u çua në këmbë shpejt dhe nga vendi i 11-të vrapoi si e çmendur për ta arritur gjysmëfinalen.

28-vjeçarja nuk ka shumë kohë për ta rimarrë veten nga kjo garë dërrmuese, sepse sot pasdite do të garojë në finalen e vrapimit në 5.000 metra.

Hassani i ka fituar titujt e botës në 1.500 metra dhe 10.000 metra, si dhe medaljen e bronztë në 5.000 metra. /Gazeta Express/