Grupi prej 56 vetash transportonte kokainë nga Holanda në Italinë e Veriut, jepen dënimet për shqiptarët - Gazeta Express

Gazeta Express

23/10/2020 22:43

Grupi prej 56 vetash transportonte kokainë nga Holanda në Italinë e Veriut, jepen dënimet për shqiptarët

Gazeta Express

23/10/2020 22:43

Një nga operacionet më të mëdha të policisë Italiane dërgoi prapa hekurave 56 persoan, të cilët tranportonin drogë nga Holanda në Italinë Veriore.

Dënimi më i lartë i dhënë ishte13 vjet burgosje, kundër një organizatori kryesor të bandës të trafikut të drogës

Në vjeshtën e vitit 2018, ky operacion i drogës kishte marrë të gjithë vëmendjen. Operacioni çoi në arrestimin e 56 personave, të gjithë të lidhur me një shoqatë kriminale që synonte trafikimin ndërkombëtar të kokainës.

Operacioni “Boca”, i quajtur kështu pas arrestimit të parë të Carmen Boca, i kapur me 6.5 kg pluhur të bardhë në zonën e Brescias, përfundoi në gjyq dhe pa shumicën e të akuzuarve të kërkonin procedurën e shkurtuar. Dje, megjithatë, të enjten 22 tetor, seanca e fundit e atyre që zgjodhën gjyqin u zhvillua në gjykatën e Brescias shkruajnë mediat italiane.

Katër dënime, një bashkëpunim me drejtësinë për pranimin e fajësisë dhe dy pafajësi arritën në gjykatë, kundër shtatë të pandehurve, të gjithë shqiptarë dhe të lidhur me grupin e goditur nga zyra e prokurorit të Brescia dhe Guardia di Finanza. Njëri prej tyre, që besohet të jetë organizatori, mori 13 vjet burg dhe 130 000 euro gjobë për të paguar. Një tjetër 11 vjet, dy muaj dhe 39 000 euro gjobëvënie, i treti 9 vjet burg dhe 39 000 euro gjobëvënie, një tjetër 31 000 euro dhe 7 vjet e 8 muaj burgim.

Njëri, nga ana tjetër, negocioi 8 vjet burg dhe një dënim prej 46 000 euro. Dhe të katër të dënuarit, pasi të kenë përfunduar dënimin e tyre, do të dëbohen nga territori italian.

Hetimi, që çoi në kryerjen me sukses të këtij operacioni dhe dënimet kishin parë një bandë që importonte kokainë në Italinë Veriore nga Holanda, duke shitur lëndën narkotike për 32 000 euro për kilogram dhe me një konfiskim deri në 130 kg të kokainës. Substanca mbërriti në Itali përmes futjes së  makinave të dyshimta.