Golden Eagle Ylli, organizator i Final 8 të Kupës së Kosovës

Basketboll

Gazeta Express

25/01/2021 11:19

Golden Eagle Ylli do të jetë organizator i Final 8 të Kupës së Kosovës në basketboll.

Ky është vendimi më i ri i Federatës së Basketbollit të Kosovës.

Pas njoftimit nga klubi i basketbollit Rahoveci për tërheqje nga organizimi i kësaj gare, interesimin e këtij evenimenti prestigjioz e ka shprehur Golden Eagle Ylli nga Suhareka.

Dhe, pas votimit nëpërmjet deklarimit elektronik të anëtarëve të Bordit të FBK-së, iu dha e drejta e organizimit të Final 8 të Kupës skuadrës therandase.

Kjo garë do të mbahet nga 3 deri më 7 shkurt. /Gazeta Express/